ඉතිහාසය

ගාල්ල දිස්ත්‍රික්කයේ හිනිදුම පත්තුවේ ගල්ලන්දල නම් කුඩා ගම්මානයේ , ගාල්ලට 36 කි.මි. ක් පමණ දුරින් පිහිටි මෙම පාසල කඳු වැටි වලින් වටවූ සුන්දර භූමි භාගයක පිහිටා ඇත.

1957 වර්ශයේ  ජූලි 10 දින පොල් අතු මඩුවක සිසුන් 37 ක ගෙන් මෙම පාසල ආරම්භ කර ඇත.පාසල් ආරම්භ කරු වූයේ ශ්‍රී ලංකා බෞද්ධ ආයතනයේ අධිපති ඉඳුරුවේ පඤ්ඤාතිස්ස හිමියන්ය.ගල්ලන්දල බෞද්ධ මිශ්‍ර පිසලක් වශයෙන් 1957 දී ලියාපදිංචි කර ඇත. රජයේ ආධාර මත ක්‍රියාත්මක විය.

මෙම පාසලේ ආරම්භක මුල් ගුරුවරයා වන්නේ ඩබ්ලිව් සමරනායක මහතාය. ඩබ්ලිව් . ජී ප්‍රේමලතා මහත්මිය ද සේවය කළාය. ශ්‍රී ලංකා බෞද්ධායතනය මගින් එඩ්වඩ් නාගහහවත්ත මහතා මුල් ගුරුවරයා වශයෙන් පත් කළේය.

මෙම පාසල ආරම්බ කිරීම සහ වැඩි දියුණු කිරීම සඳහා අතහිත දුන් ප්‍රභූන් අතර ගල්ලන්දල තැපැල් ස්ථානාඳිපති ජී.පී. ධර්මසේන මහතා මූලික වෙයි. කෝරලේගම ග්‍රාම සංවර්ධන සමිතිය විද්‍යාලයේ දියුණුවට බොහෝසේ උපකාර විය.

ක්‍රමයෙන් පාසලේ ශිෂ්‍ය  සංඛ්‍යාව වැඩි වීමත් සමග ඉඩමක හා ගොඩනැගිල්ලක අවශ්‍යතාවය තදින් පෙනුනි. හිනිදුම පාර්ලිමේන්තු මන්ත්‍රී ශ්‍රී ලංකා නිදහස් පක්ෂයේ හෙන්රි දිසානායක මහතා ගම්වාසීන්ගේ ඉල්ලීම් පිට අක්කර 2 ක් පමණ බිමි ප්‍රමාණයක් හා අඩි 120  ⅹ 20 ක ගොඩනැගිල්ලක් ලබ ාදීම ඉතා වැදගත් කාර්යයක් විය.

1962 සැප්තැම්බර් 01   දින ගල්ලන්දල බෞද්ධ පාසල රජයට පවරා ගත්තේය. ඉන්පසු ගල්ලන්දල රජයේ ජාතික විද්‍යාලය නමින් හැඳින්වූ අතර වර්තමානයේ ගල්ලන්දල කනිෂ්ඨ විද්‍යාලය නමින් භාවිතා වේ.

{QF3=5}